Policia ka vënë në pranga një mësues në Lezhë pasi akuzohet për “Shpërdorim detyre” dhe “Falsifikimi i dokumenteve shkollore”. Ky rast është denoncuar tek portali Komisariati Dixhital më darën 23 dhjetor të vitit që lamë pas.
Bëhej fjalë për mësuesin Zef Nikolli, 61 vjeç, në një shkollë 9-vjeçare në Mirditë. Nga veprimet hetimore, rezulton se shtetasi K.Sh. 17 vjeç, nxënës në këtë shkollë, ka dalë nga teritori i Shqipërisë nga data 22.10.2014 deri më datën 28.12.2014 si dhe ka dalë më datë 01.04.2015 dhe nuk është kthyer akoma në Shqipëri.
Por ai rezulton i regjistruar nga mësuesi në regjistrin përkatës si nxënës që e frekuenton rregullisht shkollën.
