Ardhja e Vitit të Ri në Dubai ka ngjallur frikë, ankth tek njerëzit që ndodheshin afër një hoteli që mori flakë dhe tmerr për mysafirët e tij.
Një hotel luksoz 63-katësh në qendër të qytetit është përfshirë nga flakët, pak pa shkuar ora 24:00.
Nuk dihen ende shkaqet e zjarrit, por zjarrfikësit janë në vendngjarje dhe po punojnë për shuarjen e flakëve.
Deri më tani nuk ka një numër për viktimat që mund të ketë shkaktuar zjarri. Hoteli në fjalë gjendet shumë pranë kullës më të lartë në botë në Dubai.
BBC raporton se i gjithë hoteli është evakuuar qe kur nisi zjarri. Zanafilla ishte nje ndertese ngjitur që mund te jete goditur nga fishekzjarret kur nisi festa.
