Foto Ilustruese
Një çantë e dyshimtë për eksploziv pranë fakultetit të Histori-Filologjisë ka vënë në alarm policinë. Efektivët e policisë së kryeqytetit janë njoftuar për një çantë të lënë pranë stacionit të autobusit, ndërsa menjëherë u rrethua zona për të shmangur çdo shpërthim të mundshëm.
Nuk dihet nëse çanta mund të jetë harruar nga ndonjë person, apo nëse është lënë qëllimisht për të hapur panik, por nga rastet e tjera të ngjashme, këto alarme gjithmonë kanë rezultuar fals.
Për të shmangur qarkullimin në këtë zonë policia ka devijuar qarkullimin e të gjithë makinave që vijnë nga Liceu artistik për nga fakulteti, apo edhe ato që zbresin nga Sauku.
