Foto Ilustruese
Policia italiane në Napoli ka shpëtuar nga duart e trafikantëve një vajzë minorene shqiptare. Ajo shfrytëzohej prej disa muaj si prostitutë në qendër të qytetit italian.
Vajza e mitur nuk dinte të komunikonte asnjë fjalë në italisht si dhe nuk kishte dokumente identifikimi. Për identifikimin e saj, policia kërkoi ndihmën e përfaqësuesve diplomatik shqiptar.
Më pas ata kanë zbuluar se, vajza shfrytëzohej nga një bandë shqiptare, e cila e kishte rrëmbyer nga Shqipëria.
Familjarët e saj në Shqipëri kishin bërë denoncim për zhdukjen e saj dhe pas marrjes së shenjave të gishtërinjve është bërë identifikimi i saj si dhe vendosja e kontakteve me familjarët e të miturës.
Personat që atë e kanë shfrytëzuar e kanë dërguar në Itali duke i premtuar një të ardhme më të mirë. Por, në fakt Aurora (emër jo i vërtetë i vajzës) u detyrua të punonte në rrugë.
E mitura ka nisur një kurs në Itali për t’u bërë estetiste.
“Tani dua të studioj”, shprehet ajo në shqip, raportojnë mediat italiane.
