Debati për “pushtimin” e burgjeve nga LSI, ka të mirën e vetë, për punësimin e mundshëm të militantëve të kësaj partie, por ka edhe të keqen e vetë, një kosto të rëndë, e “finalizuar” së fundmi me vdekjeje në qeli e një drejtori të LSI, të arrestuar nën akuzën për korrupsion.
Njoftimet më të fundit, bëjnë të ditur se ka vdekur në burgun e Rrogozhinës, Robert Shtëmbari, ish-drejtori i Emergjencave Civile të Lushnjës, i arrestuar në nëntor për korrupsion.
Të burgosurit akuzojnë drejtuesit e burgut se për mungesë dhe vonesë të personelit mjekësor, ndërroi jetë në burg 55 vjeçari Shtëmbari. Të burgosurit thonë se për 40 minuta nuk kishte mjek apo infermier roje për t’i dhënë ndihmën e parë 55 vjeçarit dhe kanë qenë bashkëvuajtësit ata që kanë tentuar ta mbajnë gjallë Shtëmbarin por fatkeqësisht ka ndërruar jetë.
Sipas tyre, me makinë civile të një punonjësi të burgut Shtëmbari është dërguar për në spital por me vonesë. Të burgosurit pretendojnë se burgu nuk ka ambulancë mjekësore dhe personel mjekësor gjatë mbrëmjes.
Të pyetur për këtë fakt, drejtuesit e burgjeve thonë se Shtëmbari ka ndërruar jetë në spital. Ata mohojnë pretendimet e të burgosurve, duke thënë se mjeku roje ka shkuar vetëm pak minuta pasi është njoftuar dhe me të dërguar në spital i paraburgosuri ka ndërruar jetë. Për të provuar këto pretendime, drejt spitalit kanë shkuar edhe ekspertë të mjekësisë ligjore për ekzaminimin e trupit.
55 vjeçari Robert Shtëmbari është arrestuar më 2 nëntor të këtij viti, pasi dyshohet se merret nga 100 mijë lekë të reja për çdo punësim në drejtorin e tij. Ai akuzohej për “korrupision pasive të zyrtarëve të lartë”.
Reagimi i plotë i drejtorisë së Përgjithshme të Burgjeve
“DPB bën të ditur, se shtetasi Robert Shtëmbari, i paraburgosur prej muajit nëntor 2015 pranë IEVP Rrogozhinë, ka pësuar një atak kardiak pasditen e sotme. Sapo ka ndodhur ngjarja, rreth orës 16:40, është njoftuar mjeku roje i institucionit, i cili ishte prezent dhe ndërhyri menjëherë. Pas dhënies së ndihmës së parë ne institucion, i paraburgosuri është nisur për trajtim të specializuar në qendrën shëndetësore Rrogozhine, ku ka mbërritur në orën 16:50. Rreth 20 minuta pas paraqitjes aty, i paraburgosuri ka ndërruar jetë.
Sqarojmë se ky shtetas vuante nga tensioni i lartë, gjë për të cilën trajtohej rregullisht. Vetëm dy dite më parë ai është shoqëruar për një vizitë te mjeku specialist (kardiak).
Për më shumë mund të lexoni edhe …
Lushnje, arrestohet një tjetër drejtor i LSI
/web/Lushnje_arrestohet_nje_tjeter_drejtor_i_LSI_9352_1.php
