Ministri i Drejtësisë, Ylli Manjani shkarkoi nga puna sot një gardian të burgut të Fushë Krujës pasi u kap nga policia duke drejtuar mjetin pa dokumenta.
Sipas ministrit, punonjësit e shtetit kanë për detyrë të respketojnë më rigorozitet ligjin edhe kur nuk janë në detyrë. Gardiani F. Metej u kap nga policia pa patentë.
Manjani ka disa javë që është emëruar ministër i Drejtësisë dhe brenda kësaj periudhe të shkurtër ka larguar nga puna disa prej drejtuesve të institucioneve të burgjeve dhe hipotekave për shkelje ligjore në detyrë apo dyshime për korrupsion.
Një ditë më parë ai deklaroi se do të kërkoje rishkrimin e Kodit Penal pasi ka probleme të mëdha të zbatimit të tij.
