Edi
Rama dhe Saimir Allushi, ish-drejtori i burgut 313 i dorëhequr
Paska dhënë dorëheqjen një drejtor burgu ngaqë paska qenë vetë i dënuar me burg.
Vizioni kryeministror ka qenë ky:
“Te kontrolli i ilaçeve, pati emëruar dikë të dënuar për kontrabandë ilaçesh.
Te kontrolli ushqimor, dikë të proceduar për ushqime të skaduara.
Te Porti i Durrësit, dikë të dënuar për kontrabandë.
Drejtor policie në dy qarqe, dikë të dënuar për drogë e të arratisur nga burgu në Greqi.
Logjika e këtij njeriu është një logjikë ‘çunash lagjeje’, sa banale aq edhe qesharake.
Ky mendon si analfabet: ‘Plako, drejtor policie duhet me vu trafikantin se ai e njef si trafikohet se e ka bo vetë at punë. Te burgu, atë që ka bo burg se ai e njef ambientin e di si të merret vesh me ato. Te kontrolli i ushqimeve, atë që ka shit vetë ushqime të skaduara, se ai di se ku me i kap ato që do tentojnë të shesin të skaduara’”.
Fati ynë i keq që mbas 103 vitesh shtet nuk ia dolëm të ndërtonim institucione shtetërore me filtra morale e politike aq të forta sa njerëzit si Rama të mos mundeshin t’i shihnin as nga larg zyrat e shtetit.
