Venezuela ka kthyer në Shqipëri një trafikant të kokainës që ishte dënuar me 12 vjet burg nga gjykatat shqiptare. Specialistët e Zyrës Qëndrore Interpol Tirana mundësuan ekstradimin nga Caracas/Venezuelë, drejt vendit tonë te shtetasit shqiptar Armand Gavelli, banues në Berat.
Gjykata e Shkallës së Parë për Krime të Rënda, Tiranë, me vendimin penal nr. 19, datë 23.03.2012, e ka dënuar këtë shtetas me 12 vjet burgim, për kryerjen e veprës penale të “Trafikimit të lëndëve narkotike e kryer në bashkëpunim”, parashikuar nga neni 283/a/2 i Kodi Penal të Republikës së Shqipërisë.
Shtetasi Armand Gavelli, në bashkëpunim me shtetas të tjerë kanë trafikuar një sasi lëndë narkotike e llojit Kokainë, nga Panamaja në drejtim të Shqipërisë.
Si rezultat i bashkëpunimit të Interpol Tirana me Interpol Carakas më datën 11.03.2015, në Caracas u bë i mundur arrestimi, me qëllim ekstradimi drejt vendit tonë i shtetasit Armand Gavelli, njofton policia.
