FUTBOLL/ Skrapari synon Champions League, por me Ilir Metën President

Banorët e Skraparit besojnë se me Ilir Metën në krye të ekipit të tyre të futbollit, ata mund të shkojnë edhe në Champions League.
Për këtë, tifozët e Skraparit, një ekip që militon në kategorinë e tretë të futbollit shqiptar, i kërkojnë Kryetarit të Kuvendit të Shqipërisë, njëkohësisht edhe kryetar i Lëvizjes Socialiste për Integrim, Ilir Meta, i cili është nga ky rreth, që të bëhet President i ekipit të Futbollit të Skraparit.
Nuk dihet se sa e vërtetë është por kjo thirrje është bërë në një faqe në “Facebook” me emrin “Kategoria e dytë”, e cila duket se është shumë aktive me lajme nga futbolli.