John Newman performon në Tiranë. “S’ka mbaruar ende, nata e bardhe nis pas pak dhe mbyllet me nje surprise” ka shkruar, Erjon Veliaj, kryetari I Bashkise se Tiranes pas takimit me kengetarin e madh.
Ashtu siç pritej, artisti i njohur britanik John Newman ka mbërritur në Tiranë për të performuar përpara publikut shqiptar. 25-vjeçari që kryeson top listat britanike, do të këndojë hitin e tij “Love me again” por edhe këngë të tjera të njohura në sheshin “Skënderbej.
“Përshëndetje Shqipëri! Është hera ime e parë këtu dhe mendoj se do të vij sërish. Është shumë emocionuese të jesh në Tiranë, gjithnjë e kam parë si një vend të ngrohtë. Të gjithë sillen shumë mirë. Nga publiku shqiptar pres të jetë i çmendur, t’ia kalojmë mirë dhe do përpiqem të jap në skenë 110 përqind nga vetja ime”, tha ai pwr top channel.
Sa për projektet muzikore, Newman thotë se po punon për albumin e tij të tretë, përmes të cilit pret një sukses edhe më të madh.
“Dështova të bëhem mekanik. Po punoj për albumin e radhës. Jam në kërkim të përsosmërisë. Dua që albumi im i tretë të jetë më i miri. Kam mësuar shumë nga albumi im i dytë, pashë tek ai çfarë shkoi dhe ku gabova, ndaj dua shumë që muzika që do të bëj nesër të jetë edhe më e mirë”, vazhdoi Newman.
Newman, u ftua nga Bashkia e Tiranës për të performuar në koncertin e Natës së Bardhë, traditë që është rikthyer me një sërë aktivitetesh në kryeqytetin shqiptar. Në kuadër të festave të nëntorit, ai përshëndet shqiptarët duke provuar të bëjë shqiponjën me duar.
