Ministria e Ekonomisë ka përpiluar një kod etike për bizneset përmes të cilit rregullohet marrëdhënia e tyre me klientët por edhe me administratën kontrolluese.
Nga mashtrimi me markat, presioni ndaj konsumatorëve, premtime për çmime që nuk ekzistojnë, shfrytëzimi i fëmijëve për të bindur prindërit, praktikat agresive, mashtruese apo “peshkuese” e deri te shpalljet “Dyqani mbyllet, malli likujdohet”.
Ministria e Ekonomisë ka bërë publike 31 praktikat e ndaluara, të cilat në asnjë rast nuk mund të përdoren nga bizneseve për të shitur mallra apo shërbime, të bazuara në legjislacionin për mbrojtjen e konsumatorëve.
“Praktikat e mëposhtme çorientuese dhe agresive janë gjithnjë të ndaluara në çfarëdo rrethane dhe në çdo rast, pavarësisht nëse deformojnë ose jo sjelljen dhe vendimmarrjen e konsumatorit”, thekson Ministria në dokumentin ku përcakton 31 praktikat që nuk mund të përdoren nga tregtarët në dëm të konsumatorëve, të cilat janë publikuar sot ne shqiptarja.com.
