Në një letër drejtuar redaksisë së droni.al, prindi i një nxënësi të shkollës së mesme Myslym Shima, Yzberisht shprehet i shqetësuar pasi drejtoresha e shkollës sipas tyre ka detyruar dhjetra nxënës të firmosin një letër sipas së cilës gjithcka në shkollë shkon mirë pas një proteste që kanë pasur nxënësit lidhur me largimin enjë mesueseje. Teksti i kësaj letre nuk është i konfirmuar nga një burim i dytë lidhur me saktësinë dhe besueshmërinë.
“Jam nje prind i shqetesuar nga shkelja e te drejtave qe u behet femijeve tane ne shkollen e mesme MYSLYM SHIMA-YZBERISHT nga drejtoresha e shkolles. qe para ca ditesh u heq femijeve mesuesen kujdestare pa motiv. Jo vetem kaq por per te mposhtur protestat e tye u premton se do beje kerkese per ta rikthyer dhe kur ata me te drejte i kerkojne lajme nga Drejtoria e arsimit ajo u ben presion duke i kujtuar ndonje shkelje te rregullore qe mund te kene bere ne shkolle. por nuk mbaron me kaq. sot kjo drejtoreshe i ka detyruar keta femije te firmosin nje leter ne te cilen ata pranojne se gjithcka shkon mire me pak fjale, ne shkolle. Ne e dime qe zeri yne nuk ndihet lart. Pastaj duke patur frike edhe per femijet nuk mund te dalim hapur. Por kete zonje dikush duhet ta ndale. Duke u mare firmat femijeve nepermjet presioneve psikologjike te tipit: DONI EDHE TE DREJTA JU, JU JENI PLOT GABIME KENI DHE GOJE TE KERKONI TE DREJTA. Duke i detyruar femijet te firmosin ajo ka shkelur ligjin mbi te drejtat e femijeve. Firma e tyre leshohet ne prani te kujdestarit ligjor ose te psikologut te shkolles. Aq me teper qe femijet jane mare grupe-grupe ne drejtori duke i kujtuar secilit sa mungesa kane bere, sa here kane ardhur me vonese duke i vene ne seder qe te firmosin. Me vjen keq tek e shoh femijen me lot ne sy”, përfundon letra e prindit.
