Nevila Nikaj: Në diktaturë kanë ndodhur abuzime dhe përdhunime ndaj grave të burgosura

Debatet e hapura me dëshminë e këngëtares Alida Hisku, pak javë më parë për përdhunimin e grave të burgosura apo internuara, është rikthyer sot në sution e emisionit “Opinion” të Blendi Fevziut në TV “Klan”, me një konfirmim nga ish-drejtorja e Arkivit Qendror të Shtetit, Nevila Nikaj.
Sipas Nikajt, ka pasur raste abuzimi dhe përdhunim të grave të burgosura apo internuara në ambientet e paraburgimit apo burgimit.
Duke sjellë si shembull dëshminë e një gruaje, ish-e burgosur në Tepelenë në vitet e diktaturës, Nevila Nikaj konfirmoi dëshminë e Alida Hiskut. Jo vetëm kaq, por Nikaj ju referua edhe një bllok shënimesh, pjesë e arkivues, ku jo vetëm që konfirmohej abuzimi dhe përdhunimi i grave, por edhe diskutimet e vetë hetuesve e oficerëve të ish-Sigurimit të Shtetit, të cilët i drejtonin gishtin njëri-tjetrit, për raste konkrete abuzimesh e përdhunimesh të burgosurash.
“Nga dokumentet e zonjës Hisku, unë nuk di të them i ka ndodhur apo jo, po kam gjetur që ka ndodhur. Unë kam hasur edhe emrin e personit që e ka bërë dhe kujt i ka ndodhur, Kam gjetur bllokun e dikujt, në kohën e Koçi Xoxes. Personat raportojnë dhe bëjnë autokritike. Dhe një prej tyre e ka pranuar. Një zonjë e kam takuar dhe e ka pranuar. Kam njohur Drita Kosturin rrëfente qelitë e përbashkët në Shkodër, më rrëfente se si një vajzë pasi ishte torturuar, ishte e zhveshur…”, u shpreh Nevila Nikaj.