“Bëra gjithçka për të mbrojtur familjen time, vajzë dhe bashkëshorten.” Kështu e nis rrëfimin e tij në Tgcom, Rodolfo Carazzo, tregtari i cili të martën në mbrëmje qëlloi për vdekje shqiptarin, Valentin Frrokaj, i cili po tentonte ta grabiste.
“Qëllimi im nuk ishte ta vrisja, por ta largoja”, shprehet italiani duke folur për mediat në zyrën e avokatit të tij.
“Falë Zotit kisha armë, nëse jo do të na kishte vrarë, jam i sigurt”, shton ai.
Autori i vrasjes së shqiptarit që u bë i famshëm nga arratisjet e tij nga burgu kërkoi takim me gazetarët për të dhënë versionin e tij mbi ngjarjen.
Ndërsa ai rindërtonte ngjarjen, Carazzo është çuar disa herë duke folur disa herë me familjen, bashkëshorten dhe vajzën 11 vjeçe, e cila tha se është trembur nga grabitësit.
“U dhashë do gjë që kisha në shtëpi, por ata ngulnin këmbë duke u përpjekur të trembnin vajzën. E morën në katin e dytë dhe i thanë se “nëse babi nuk i ka paratë do të presim gishtat. Na mbajtën një orë e gjysmë nën kërcënimin e armës”, tregon italiani.
Carazzo shton më tej se, ka qëlluar tri herë, ku vetëm hera e fundit zuri 37-vjeçarin Frrokaj.shqiptarja.com
