Tiranë, operacion antidrogë, në pranga 24 shpërndarës midis tyre 2 femra

Një operacion policor masiv është zhvilluar sot kundër shpërndarjes së narkotikëve në Tiranë. Mësohet se nga ky operacion janë arrestuar 24 persona të dyshuar. Të dyshuarit  janë kryesisht shpërndarës heroine dhe kanabisi.
Nga ky operacion, i cili konfirmohet nga burime të Antidrogës, mësohet se mes personave të arrestuar rezultojnë, 22 meshkuj dhe 2 femra.
Hetimet e policisë ndaj këtij rrjeti të dyshuarish si shpërndarës drogash, kanë nisur që nga data 18 shtator 2015, pas arrestimit të 3 personave me një sasi heroine në Tiranë.