Fatos Lubonja konsideron se Ilir Meta është i pamjaftueshëm për të sjellë ndryshime në qeverisje, kështu që e vetmja mundësi sipas tij është ajo e zgjidhjes që vjen jashtë godinës. “Zgjidhja duhet bërë vetëm jashtë “godinës”, pasi nuk ka shpresa se Ilir Meta do bëjë një lëvizje të fortë kundër marrëzive të Edi Ramës”.
Në vijim Lubonja shpjegon mekanizmin sipas të cilit “Rama kalon me lehtësi nga marrëveshjet mafioze në gjendje delirante, duke u paraqitur sikur ai është i miri që po e pengojnë të këqinjtë si Ilir Meta për të pastruar Shqipërinë. Për këtë po manovron që aneksin e drejtësisë ta bëjë instrument krejtësisht të vetin. Kjo ka acaruar Ilir Metën dhe jo vetëm. Sepse nuk mund të flasë për pastrim të Shqipërisë njeriu që ka lidhje me shumë se të gjithë të tjerët me njerëzit e bodrumit”.
Lubonjë thotë se kryeministri Edi Rama po e çon “në ekstrem arrogancën dhe korrupsionin e godinës”.
Godina është referenca e Lubonjës për atë që e quan ndërtesa trekatëshe ku janë ngërthyer mediat, biznesi dhe politika.
“Nuk di të them nëse është droga e pushtetit apo efekti i kokainës, për të cilën e kanë akuzuar shpesh, por arroganca dhe egërsia met ë cilën qeveria e tij po grabit njerëzit jashtë për të paguar të tijtë brenda ka arritur kulme të papara”, shkruan Lubonja tek Panorama.
“Ai po i tejkalon edhe normat më të ulëta morale me të cilat kanë punuar deri më sot njerëzit e godinës”.
