FOTO & VIDEO/ Arrestimi i Emiljano Tashos, i dyshuar për vrasjen në Linzë

Emiljano Tasho
Burimet zyrtare të Policisë së Shtetit, kanë bërë të ditur se në vazhdimësi të operacionit në shkallë të gjerë të zhvilluar nga Sektori për Krimet e Rënda në Drejtorinë Vendore të Policisë Tiranë në bashkëpunim me Forcat Speciale RENEA, më datë 14. 11. 2015, u bë i mundur finalizimi i operacionit,  ku si rezultat u bë kapja dhe arrestimi i autorit të dyshuar për vrasjen e shtetasit E. Nikaj dhe plagosjes e  shtetasit me iniciale I. G., në restorant “Muraga”, shtetasi, Emiljano Tasho, 29 vjeç, banues në Tiranë, i dënuar më parë.
Këtij shtetasi gjatë kontrollit ju gjetën dhe sekuestruan në cilësinë e provës materiale 1 armë zjarri automatik, model 56 si dhe 45 fishekë luftarak model 54, dhe 1 armë zjarri pistoletë e markës “Glock”, me silenciator të montuar dhe një krehër me 16 fishek luftarakë.
Gjithashtu po gjatë operacionit u bë dhe kapja dhe arrestimi i shtetasit, Erjon Sali Biraçi, 31 vjeç, banues në Tiranë, i dënuar më parë.
Ky shtetas dyshohet se ka ndihmuar për t’ju shmangur organeve të drejtësisë, shtetasin Emiljano Tasho, duke e strehuar dhe mbajtur fshehur në ambientet e banesës së tij.
Nga veprimet proceduriale rezulton se shtetasi Emiljano Tasho, është autor i vjedhjeve me armë më datë 30.09.2015, dhe vjedhjes me armë të një supermarket më datë 12.03.2014, në rrugën “Dhimitër Kamarda”.
(Nenet 78-25, 278/5 dhe 140 K. P., ndaj shtetasit Emiljano Tasho dhe Neni 302/1 ndaj shtetasit Erjon Biraçi).