Dy studentë britanikë që po ndiqnin koncertin në sallën e koncerteve “Bataclan” tregojnë se si u vranë dhjetra spektatorë dhe mënyrën se si ia dolën të shpëtojnë nga ekzekutimi.
Hanna Corbett dhe Jack Konda, të dy 21-vjeçarë, ishin duke ndjekur grupin muzikor “Eagles os Death Metal”, kur terroristët sulmuan sallën 1500 vendëshe të teatrit, shkruan daily mail.
Cobett tregon se ajo fillimisht mendoi se personat e armatosur ishin pjesë e shfaqjes, por më pas kur nisi sulmi u shtri menjëherë përtokë.
“M’u duk se ishin fishekzjarrë dhe pjesë të shfaqjes ajo që po ndodhte, mirëpo kur pashë fytyrën e tmerruar të këngëtarit para se të largohej me vrap nga skena e kuptova se çfarë po ndodhte.
Të gjithë ne u shtrimë në dysheme. Për fat të mirë isha afër daljes së emergjencës. Mbaj mend që jemi zvarritur mbi trupat e njëri-tjetrit, disa kishin vdekur, disa ishin të plagosur. Kur dola nga teatrin, skena që pash ishte edhe më e tmerrshme, njerëz që vraponin të tmerruar nga të katërta anët e sheshit”.
Të njëjtën gjë konfirmoi edhe Jack Konda, i cili u shtir si i vdekur deri sa arriti te dalja e emergjencës. Ai tregoi se sulmuesit ishin të qetë dhe qëllonin me qetësi ndaj njerëzve të pranishëm, duke i vrarë një nga një.
