Një alarm për bombë në një nga hotelet më të mëdha të Moskës ka vënë në lëvizje të gjitha autoritetet e sigurisë ruse. Deri më tani nuk dihet nëse është rremë apo jo ky alarm, por Policia ka evakuuar 900 persona nga hoteli “Cosmos” dhe zonat përreth.
Sipas “Russia Today”, një person i paidentifikuar ka telefonuar në polici duke thënë se ishte vendosur një bombë në hotel.
Skuadrat anti-eksploziv kanë rrethuar zonën dhe po kontrollojnë për materiale plasëse. Ky alarm vjen vetëm një ditë pas sulmeve terroriste në Paris, ku humbën jetën 129 persona.
