Zyrtarët më të lartë të koalicionit qeveritar sapo kanë nisur një takim në vilën qeveritare 31 në bllok. Nuk dihet ende axhenda e takimit.
Në takim merr pjesë Kryeministri Rama dhe Kryetari i parlamentit, Meta. Nga PS zyrtarë të tjerë në takim janë Sekretari i Përgjithshëm i PS, Gramoz Ruci, deputeti Erjon Brace, ministrat Tahiri, Gjiknuri, dhe Beqja.
Ndërsa nga LSI ndodhen Sekretari i Përgjithshëm i LSI, Petrit Vasili dhe deputeti Spartak Braho.
Koalicioni qeveritar është në ditët e tij më të këqija. Progres raporti i BE ishte shumë kritik ndërkohë që qeveria është konfliktuar me shumë aktorë të jetës politike dhe ekonomike në vend, biznesi, media etj.
