Policia Kufitare dhe Sektori për Narkotikët në Drejtorinë e Policisë së Qarkut Durrës, në kuadër të goditjes së rasteve të trafikimit të lëndëve narkotike dhe mbi bazën e informacioneve të marra në rrugë operative, kanë bërë të mundur dje kapjen dhe arrestimin në flagrancë të shtetasit të mëposhtëm:
• Besnik Goxho 49 vjeç, banues në Gjirokastër.
Arrestimi në flagrancë i këtij shtetasi u bë pasi:
Më datë 12.11.2015, në vendin e quajtur vija e dytë në P.K.K. Porti Durrës, gjatë kontrollit të ushtruar në mjetin e tij tip kamion me targa AA 525 CV dhe trajler me targa ACR 185, i’u gjet dhe i’u sekuestrua në cilësinë e provës materiale një sasi prej:
• 109 pako me lëndë narkotike e llojit Cannabis Sattiva me peshë 130 kg bashkë me amballazhin.
Materialet do ti kalojnë Prokurorisë pranë Gjykatës së Shkallës së Parë për Krimet e Rënda, Tiranë për veprime të mëtejshme, për veprën penale”Trafikimi i lëndëve narkotike” e mbetur në tentativë parashikuar nga neni 283/a/2 dhe 22 të Kodit Penal.
