Autoritet e drejtësisë angleze kanë ndaluar në të njëtën ditë me Bechetti-n edhe Mauro De Renzis, administratorin e disa kompanive të sekuestruara në Shqipëri të biznesmenit italian.
Në shkresën që ambasada shqiptare në Londër i ka dërguar prokurorisë së përgjithshme, saktësohet se bashkë me biznesmenin Becchetti mëngjesin e 26 tetorit është arrestuar edhe administrator i tij De Renzis, citon abcnews.
Fillimisht zyra e ekstradimeve e ka njoftuar ambasadën shqiptare në Londër për arrestimin e dy biznesmenëve të shpallur në kërkim për një sërë akuzash të rënda penale në Shqipëri.
Bazuar në kërkesën e drejtësisë shqiptare, zyra e ekstradimeve të kësaj gjykate, njoftoi ambasadën se po të njejtën ditë, dy të shpallurit në kërkim me vendim të formës së prerë, kanë dal para gjyqtarit të seksionit të Ekstradimeve në gjykatën e Magjistraturës “Westminster” në Londër.
Ata nuk kanë pranuar akuzat, duke refuzuar ekstradimin drejt Shqipërisë. Nga ana tjetër, Gjykata ka pranuar kërkesën avokatëve duke I liruar dy italianët nga burgu kundrejt një garancie pasurore dhe kufizim të lëvizjes së tyre.
Në shkresën që tashmë është administruar nga prokuroria, thuhet se me datë 7 dhjetor është parashikuar séance e radhës gjyqësore pranë kësaj gjykate, ku dy italianët Becchetti dhe De Renzis do të paraqesin pretendimet e tyre në lidhje me kërkesën e drejtësisë shqiptare për ekstradimin e tyre, shkruan abc news.
