Një ndër ndërmjetësit kryesorë të marrëveshjes PS-LSI, deputeti Koco Kokëdhima konsideron se ende nuk ka rrezik për prishje koalicioni. Sipas tij largimi i Nacos është normal duke iu shmangur analizës në publik për cështje të tjera që lidhen me këtë dorëheqje.
“Është një veprim normal në jetën politike të vendit. Akte të tilla kanë ndodhur dhe do të ndodhin. Qeveria është në eficensë të plotë. Rama dhe Meta janë politikanë të përgjegjshëm”, ka thënën Kokëdhima.
Ndërkaq një tjetër aleat në koalicion, kreu i PSV91, Petro Koci tha se nuk do të ketë largime të tjera nga qeveria dhe vendimi i Nacos ka qenë për arsye personale.
“Largimi i Nacos për arsye personale. Nuk do të ketë largime të tjera në kabinetin qeveritar”.
Një natë më parë një nga këshilltarët e Metës deklaroi se dyshen Rama-Meta i mban në aleancë vetëm nevoja për pushtet.
Lidhur me situatën e koalicionit qeveritar ka folur edhe ish-deputeti Dritan Prifti i cili ndryhse nga Kokëdhima dhe Koci deklaron se do të ketë zgjedhje të parakohshme në pranverën e ardhshme.
Logjika politike e kërkon që zgjedhjet të mbahen jo për shkak të cilësisë së koalicionit por për shkak të gjetjeve të progres Raportit të KE, më kritiku për Shqipërinë.
