Është arrestuar një 32 vjeçar nga autoritetet Gjermane, pasi dyshohet që ka rëmbyer një fëmijë shqiptarë 4 vjeçar, gjithashtu ai ka vrarë edhe një fëmijë tjetër nga Potsdam.
Sipas prokurorëve Gjerman 32 vjeçari ka pranuar se e ka vrarë shqiptarin katërvjeçar, Mohamed Januzi, familja që kërkonte azil në Gjermani me familjen dhe gjashtëvjeçarin Elias nga qyteti Potsdam. Mediat gjermane kanë raportuar se ai ka pranuar që e ka varrosur copa-copa trupin e fëmijës Elias nga Potsdam.
E përditshmja Bild ka raportuar se personi i arrestuar quhet Silvio B. Dje policia e ka arrestuar këtë person, pas informacionit të nënës së tij, së cilës ai i kishte thënë se është i përfshirë në rrëmbimin e Mohamedit.
Trupi pajetë i fëmijës është gjetur më vonë në veturën e tij. Mohamedi ishte zhdukur më 1 tetor, derisa ishte duke pritur afër zyrës së programit qeverisës për kujdes social me nënën e tij dhe dy vëllezër, raporton Reuters nga Berlini.
Polcia gjermane tha dje se nuk ka indikacione se i dyshuari nga Brandendubru në Gjermani kishte lidhje me grupet e krahut të djathtë ose ndonjë kontakt me qarqet ksenofobike.
