Ambasadori i Shteteve të Bashkuara të Amerikës në Tiranë, Donald Lu, ka reaguar me mënyrën e tij për tenderat për luks që kryen qeveria shqiptare.
Duke folur në konferencën kombëtare për qeverisjen vendore, ai tha se paratë duhet të shpenzohen për investime dhe jo për luksin e zyrave.
“Nëse keni ardhur me Mercedez, BMV apo me makina të zeza, duhet të mendoni, nëse kjo është mënyra që votuesit tuaj duan që ju të përdorni paratë e tyre. Nëse zyra juaj është më e këndshme se dyqani i bukës apo e postës, në zonën tuaj, sërish shpresoj që do të mendoni: A do të shpenzoheshin më mirë këto para për mbledhjen e plehrave, apo përmirësimin e shkollave apo ndërtimin e parqeve. Vlerësoj kryetarin e bashkisë së Tiranës i pari që refuzoi Mercedezin e zi të bashkisë dhe në vend të tij mori me qera një Tojota të vogël. Shpresoj që të jetë drejtimi për të gjithë brezin e ri të drejtuesve vendor”, deklaroi Lu.
