Arma e kërcënimit
Një person ka marrë peng familjen e tij. Ngjarja ka ndodhur sot në mëngjes, në një banesë në rrugën “Jordan Misja” në Tiranë.
Mësohet se ka qenë Besim Pengili, personi që ka marrë peng familjen e tij. Nën kërcënimin e armës, ai ka deklaruar se do ti vriste të gjithë ata, ndërsa më pas do të vriste edhe veten.
Sipas dëshmive në vendngjarje, mësohet se ka qenë ora rreth 07.20, ku ka ndodhur pengmarrje. Në këtë moment, Besimi ka qenë në banesën e tij, me bashkëshorten, vajzën dhe fëmijën e vajzës.
Ka qenë një grindje e Besim Pengili 54 vjeç, me bashkëshorten e tij, ajo që ka degjeneruar më pas në pengmarrje. Mësohet se Besimi, disa muaj më parë kishte pësuar një trompozë dhe pasoja e saj, kanë provokuar edhe grindjen e tij me bashkëshorten.
Ajo menjëherë ka dale nga banesa ndërkohë vajza e saj S. K, 26 vjeç, ka qëndruar pranë të atit i cili ka tentuar te vrase veten, shtetasit Besim Pengili, 54 vjeç i cili i cili ka qene ne tronditje te rende psiqike.
Në këto rrethana, ndërsa Besimi ka kërcënuar bashkëshorten, vajza me inicialet S. K. 26 vjeçe, ka njoftuar policinë. Kjo e ka tensionuar edhe më shumë situatën, duke bërë që Pengili, të mbajë peng gjithë familjarët e tij dhe të kërcënojë ata me vrasje ndërsa edhe me vetëvrasjen.
Pas njoftimit, në vendngjarje shkuan efektivët e policisë së kryeqytetit, pas disa negociatash, është arritur të bindet Besim Pengili, të lërë të lirë pengjet, si edhe të vetëdorëzohet.
