Zgjedhja e kryeplakut te fshatit Lepenicë ka degraduar në konflikt me sende të forta. Për pasojë, tre persona janë lënduar dhe janë dërguar për mjekim në spital.
Konflikti ka nisur mes anëtarëve të fiseve Arshia e Canaj. Fillimisht konflikti ka nisur me një debat verbal, por më pas burrat kanë humbur kontrollin dhe kanë nisur të qëllojnë njëri-tjetrin me leva hekuri e sende të tjera të forta. Në vendngjarje sipas policisë ka pasur dhe shkrehje armësh zjarri, pasi njëri nga të plagosurit ka plagë të shkaktuar nga plumba.
