Një javë pas përmbytjeve ende kryeministri Edi Rama nuk “guxon” as ta artikulojë këtë fjalë dhe jo më të flasë për masa të mundshme për zonat e përmbytura.
Përkundër heshtjes së “komandantit” ka “guxuar” “komisar” Koço Kokëdhima të flasë për përmbytjet, kryesisht në Qarkun Vlorës, ku ai ndan vendin e parë e të dytë me “komandantin” si deputetë…
Por edhe Koçoja ka çuditur jo pak, kur për përmbytjet ka fajësuar kushtet klimaterike, shkurt motin.
Këtë “fajtor” Koço Kokëdhima e ka gjetur sot, në përfundim të mbledhjes së grupit parlamentar të PS-së, ku komandant” Edi Rama mungonte.
Në përmbushje të këtij misionit vështirë, Koço Kokëdhima ka “ngushëlluar” të përmbyturit, me frazën “optimiste” se “qeveria do të bëjë më shumë, për parandalimin përmbytjeve në të ardhmen”.
“Komisar” Kokëdhima fajëson motin, “komandant” Rama nuk ndjehet për përmbytjet
