Është ndarë nga jeta në moshën 62-vjeçare aktori Arqile Lici, i njohur për rolet e tij në Teatrin e Fierit, si edhe në filma shqiptar, në komedi ashtu dhe dramë. Shumkush mund ta mbaje mend me rolin e Niqiforit tek komedia “Shoku Niqifor”, me rolin e Esad Pashës në dramën “Dy krisma në Paris”, në rolin e dajë Rustemit tek filmi “Hijet që mbeten pas” apo të ndërmjetësit për faljen e gjaqeve tek filmi “Gjallë”.
Mes viteve 2004-2006 Arqile Lici ka drejtuar Shtëpinë Qendrore të Ushtarakëve. Ai është dekoruar nga presidenti Bamir Topi me Urdhrin “Naim Frashëri” i Argjendtë, me motivacionin: “Për arritje në interpretimin me mjeshtëri artistike të roleve të realizuara në teatër dhe kinematografi”.
