Arrestohet “atentatori” 14-vjeçar i autobusit të futbollistëve serb

Policia e Tiranës ka arrestuar sot personin që goditi me gurë autobusin e kombëtares serbe, teksa udhëtonte nga aeroporti i Rinasit për në hotel, mbrëmjen e djeshme. Minoreni u arrestua nga forcat e komisariatit nr. 3 në kryeqytet.
Burime zyrtare nga policia bëjnë me dije se autori i këtij incidenti është një 14-vjeçar me inicialet M. Q.
Incidenti me autobusin e kombëtares serbe shkaktoi reagimin e ashpër të Federatës Serbe të Futbollit, e cila kërcënoi me bojkot të ndeshjes, në rast se ngjarje të tilla do të përsëriten.