Pamje e vendit ku ndodhi plagosja gjate grabitjes se ngarkeses me kanabis
Ne kuadër të Operacionit të quajtur “ GOSTOMICKA”, forcat e Drejtorisë së Policisë së Qarkut Gjirokastër, në bashkëpunim me forcat e Drejtorisë së Policisë së Qarkut Berat, bënë arrestimin e shtetasve:
1.Roland Pata , 41 vjeç lindur Peshkopi dhe banues në Tepelenë .
2-Altin Merdani 36 vjeç, lindur dhe banues në Memaliaj Tepelenë .
Arrestimi i tyre u bë pasi këta shtetas në bashkëpunim me Stefan Gjoka 32 vjeç, banues Qeparo Vlorë dhe Elton Abazaj 34 vjeç, banues në Gjirokastër kanë plagosur me armë zjarri shtetasin Gazmor Ibro 39 vjeç, banues në fshatin Nikollar Skrapar, me qëllim grabitjen e një sasie lënde narkotike të cilën po e transportonte me mushka së bashku me dy vëllezërit e tij.
Gjithashtu në vijim të veprimeve hetimore të kryera u bë arrestimi i N.Z, bashkëjetuese e të arrestuarit Roland Pata, pasi ne banesën ku jetonin përkohësisht u gjetën dhe sekuestruan dy doza kokaine si dhe 5.1 gram hashash.
Po si rezultat i veprimeve hetimore të kryera në ambjentet e spitalit ushtarak Tiranë u bë ndalimi i të plagosurit , Gazmor Ibro 39 vjeç, lindur në Skrapar dhe banues në fshatin Nikollar Skrapar.
Ndalimi I këtij shtetasi u bë pasi në bashkëpunim me vëllezërit e tij shtetasit Ilirjan Ibro 35 vjeç dhe Fatri Ibro 37 vjeç, kanë rrezultuar të jenë posedues të lëndes narkotike të gjetur në vendin e ngjarjes si dhe nga kontrolli I ushtruar në banesen e tyre janë gjetur të kultivuara edhe 60 bimë narkotike kannabis sativa .
Pamje nga droga qe po transportohej
Për këtë ngjarje u shpallën në kerkim shtetasit:
1-Stefan Gjoka , 32 vjeç, banues Qeparo Vlorë.
2-Elton Abazaj , 34 vjeç, lindur dhe banues në Gjirokastër.
3-Ilirjan Ibro 35 vjeç, banues në Nikollar Skrapar.
4-Fatri Ibro 37 vjeç, banues në Nikollar Skrapar.
Në cilësinë e provës materiale janë sekuestruar një sasi prej 100 kg lëndë narkotike e dyshuar Marijuanë, e cila u gjet në vendngjarje , 1.5 gram kokainë dhe 5.1 gramë mariuanë, ,tre automjete tip vetura, 11 dhe gëzhoja automatiku mod. 56, 2 gëzhoja pistolete të kal. 7.62mm dhe një fishek mod. 56 .
Makinat e sekuestruara gjate aksionit te policise
