Traineri i kombëtares serbe deklaroi sot në në Tiranë se rrugës nga Rinasi për në hotel ndodhi një incident i vogël. Sipas tij autobusi u qëllua më gurë por nuk pati pasoja, makina nuk u dëmtua. Përfaqësuesi i federatës serbe të futbollit tha se kemi njoftuar autoritetet serbe dhe UEFA-n për këtë si dhe jemi në kontakt me federatën shqiptare të futbollit.
Mediat serbe njoftuan pak minuta pas mbërritjes në Rinas të futbollistëve serbë se makina e tyre u qëllua më gurë.
Nëse i referohemi kohës së lajmit nga mediat serbe, ai u dha sapo autobusi është nisur, ndërkohë që trajneri serb thotë se janë qëlluar nga mesi i rrugës.
Policia shqiptare ka mohuar se ka pasur ndonjë incident në rrugën e shkurtër nga Rinasi deri në hotel Sheraton në Tiranë. Ndërkohë ka filmime përgjatë gjithë rrugës nga Rinasi në Tiranë të cilat nuk flasin për goditje me gurë.
