Deputeti socialist Armando Prenga ndodhet në komisariatin e Tiranës pasi u arrestua në flagrancë për plagosje të 4 personave në ambientet e Komisariatit të Laçit. Personat e plagosur janë sjellë në Spitalin e Traumës në Tiranë, të cilët ndodhen jashtë rrezikut për jetën.
Ndaj deputetit Prenga, pritet të ngrihen akuzat kanosje serioze për jetën, plagosje me dashje, dhe armëmbajtje pa leje.
Ai u arrestua mëngjesin e sotëm me urdhër të prokurorit. Mësohet se avokati i deputetit socialist, Baftjar Rusi është lejuar të takojë klientin e tij.
Konflikti mes dy familjeve Prenga dhe Cali lindi për luginën e Patokut, ku si pasojë e sherrit ka mbetur i plagosur vëllai i deputetit Prenga, Valentin Prenga dhe 4 pjesëtarë të familjes Cali të plagosur nga deputeti Armando Prenga. Të plagosurit kanë mbëritur në Spitalin e Traumës, dhe sipas mjekut specialist, ata ndodhen jashtë rrezikut për jetën. Bluzat e bardha thonë se 3 prej pjesëtarëve ishin goditur me mjete të forta në kokë. Ndërsa vëllai i deputetit, Eduard Prenga është plagosur me thikë dhe është më rëndë se personat e tjerë.
Nga hetimet e deritanishme, mësohet se në duart e Prengës janë gjetur shenjë baruti, ndërsa sipas dëshmitarëve, deputeti ka qëlluar me armë zjarri.
Ai ndodhet aktualisht në Policinë e Tiranës dhe pritet ti komunikohen akuzat.
PËRGJAKJA NË LAÇ/ Ja akuzat që rëndojnë mbi deputetin Armando Prenga
