Qeveria federale gjermane po mundohet të frenojë në një nivel ndërkombëtar lëvizjen e refugjatëve nga Ballkani Perëndimor. Kancerlarja gjermane Angela Merkel do të diskutojë çështjen të enjten në një konferencë në Vjenë me liderët nga rajoni, ku do të marre pjesë dhe kryeministri i Shqipërisë Edi Rama. Kjo konfirmohet nga zëdhënësi i qeverisë gjermane Steffen Seibert, i cili konfirmoi që para samiti do të këtë një bisedë mes kancelares Merkel dhe presidenti francez François Hollande për të diskutuar mbi problematikun e azilkërkuesit.
Sipas mediave gjermane takimi në Vjenë është planifikuar si një takim i zakonshëm pune. Por fluksi i refugjatëve në Europë e bën takimin veçanërisht urgjent. Mediat gjermane nënvizojnë faktin që udhëheqësit e vendeve me problematike do të ulën në tryezë, si Shqipëria, Bosnja dhe Kosova. Kjo bën që samiti do të jete një mundësi të mire për të diskutuar mbi mundësitë për të frenuar azilkërkuesit nga Ballkani.
Ministri gjerman Thomas de Maizière kërkoi dje që vendet të Bashkimi Europian të caktojnë në një mënyrë uniforme listën e vendeve te sigurta. De Maiziere në takimin me homologun e tij francez, Bernard Kazanëv tha se do rishikohet mundësia e vendosjes së regjimit të vizave për Ballkanin Perëndimor, si masë parandaluese ndaj fluksit të madh të azilkërkuesve nga ky rajon.
Ndërkohë, edhe partia opozitare FDP në Gjermani kërkoi një reformim rrënjësor të sistemit te azilit në Gjermani. Sipas kryetarit te saj, Christian Linder, një grup i vendeve të Ballkanit Perëndimor, si Shqipëria, Kosova dhe Mali i Zi, duhen të njihen si vende të sigurta të origjinës dhe në të njëjtën kohë duhet të rikthehet regjimi i vizave për këto shtete.
Azilkërkuesit nga Ballkani – Gjermania e bën pjesë të axhendës në samitin e Vjenës
