Shmangia nga procedurat e prokurimit të blerjes së kamerave të policisë, mësohet se e ka vënë në vështirësi të madhe, një pjesë të specialistëve dhe drejtuesve të IT, të cilët e kanë pasur të pamundur të argumentojë blerjen e kamerave të policisë, si rast të një “kontrate sekrete”. Vështirësia shtohet edhe për arsyen se vetë Ministria e Brendshme, ka kallëzuar në prokurori (për të cilën u ndaluan) edhe ish-zyrtarët e policisë për “kontratën sekrete” të kamerave në qytetin e Tiranës, në kohën kur Lulzim Basha, ishte Ministër i Brendshëm.
Nga ana tjetër, mësohet se asnjë nga specialistët e policisë nuk e mori përsipër shmangien e këtyre procedurave. Kjo u pasua me largimin nga puna të drejtoreshës së IT dhe stafit të ngushtë, sepse nuk pranuan të bëheshin pjesë e aferës së dyshimtë korruptive, për kontraktimin e 5.7 milionë eurove, për blerjen kamerave të policisë.
Për këtë arsye mësohet se ministri i Brendshëm Saimir Tahiri, kërkoi ndihmën e militantëve të partisë duke emëruar drejtor të IT, një nga teknikët informaticien me inicialet E. D., i angazhuar në stafin elektoral të një deputeti të PS-së. Ishte ky drejtor i ri, i cili mori përsipër “të bëjë edhe kamikazin”, duke u bërë pjesë e shmangies nga procedurat e prokurimit të kontraktimit të 5.7 milionë eurove, për blerjen e kamerave të policisë.
Për më shumë mund të lexoni edhe …
