Operacioni i koduar “Rrugëkalimi” u finalizua me sekuestrimin e 10 (dhjetë) kg, lëndë narkotike Canabis Sativa. Në pikën kufitare të Morinës, policia sekuestroi lëndën narkotike dhe arrestoi në flagrancë poseduesin e saj, Shkëlzen Ahmetaj 51 vjeç, banues në Kavajë.
Operacioni nga Sektori Kundër Narkotikëve në bashkëpunim me Policinë Kufitare, gjatë një kontrolli të ushtruar në pikën kufitare, mundi të arrestonte shtetasin Ahmetaj, i cili kishte fshehur lëndën narkotike në sediljen e pasme të makinës tip Audi me targa targa AA 137 KF.
Lënda narkotike e llojit Canabis Sativa e cila po transportohej drejt Kosovës, u sekuestrua në cilësinë e provës materiale dhe ndaj shtetasit Sh. Ahmetaj ka nisur procedimi për veprën penale “Trafikimi i narkotikëve”.
“Rrugëkalimi” bllokon kavajasin në trafikimin e 10 kg kanabis drejt Kosovës
