Tre efektive femra të Policisë Rrugore, të ftuara sot në studion e emisionit “Vila 24” ndanë me publikun të veçantat e profesionit të tyre, sfidat e ditës, përballjet, paragjykimet por edhe kënaqësitë që ato marrin nga të qenit, policisë, nga uniforma që mbajnë.
Ermela Lika, Holta Lami dhe Sherife Hysa shprehen se janë të kënaqura me punën e tyre në policinë Rrugore, punë e cila përveçse lodhjes ju jep dhe kënaqësi.
“Qarkullimin Rrugor e kam marrë me kënaqësi”, shprehet Ermela.
Ndërsa për Oltën nuk ka qenë zgjidhja ideale që në fillim.
“Nuk e doja në fillim, duke parë tim at, që punonte me orarë të zgjatur e lodhej shumë. Por kur e provova mu duke ndryshe”.
Duke u ndalur te përditshmëria e tyre, Ermela shton se, “Në punë qëndrojmë vetëm me uniformë e flokë të lidhura. Na lejohet të grimohemi por me masë”.
Ndërsa Olta Lami pranon se ka arrestuar edhe njerëz kur ka konstatuar shkelje, por shton se “Kur ndaloj ndonjë femër, i komunikoj shkeljen shoh që ato shfaqin xhelozi”.
Ndërsa për policen tjetër, Sherife Hysa, etika në punë është gjëja më kryesore.
“Kemi goxha respekt nga ana mashkullore, kurse femrat kanë atë zilinë, e kemi hasur. Gjyshet dhe gjyshërit në rrugë na kanë parë dhe thonë, ‘Jeni krenaria, na keni zbukuruar rrugën’”.
Ajo tregon se shkeljet më të shpeshta të drejtuesve të mjeteve janë: mungesa e rripit të sigurimit, fëmija në vendin e parë si dhe parkimi i gabuar.
Të tria shprehen se jashtë punës janë normale si të gjithë të tjerët. Vajzat shprehen se kanë edhe kolege me fëmijë.
“Në Rrugore kemi edhe kolege nëna, nuk ka turn të tretë aty…, prandaj s’do duam të zgjedhim polici tjetër”.
Policet u treguan të rezervuara për jetën personale edhe pse nuk nguruan të tregojnë se janë të pëlqyera nga meshkujt, madje iu kërkojnë edhe numra kontakti në kohën e punës, por ato ruajnë seriozitetin.
Sipas efektiveve, meshkujt shqiptarë janë paragjykues kur bëhet fjalë të zgjedhin partneren.
“Meshkujt thonë një grua policie nuk do ta merrje kurrë për grua”, thonë vajzat.
Tre policet e Rrugores: Meshkujt na kërkojnë numrat e telefonit, ndërsa femrat shfaqin xhelozi
