Është arrestuar sot në Vlorë, autori i tretë i vjedhjes së bankës në qytetin e Durrësit. Burime zyrtare nga Policia e Vlorës bëjnë me dije se është vënë në pranga 37-vjeçari Altin Aliaj, i cili është ndaluar në Port duke u kthyer nga Italia. Nga kontrolli në sistemin TIMS, Aliaj ka rezultuar person në kërkim, çka ka sjellë më pas edhe arrestimin e tij.
Grabitja e bankës ndodhi më 8 korrik, ku autorët të maskuar me maska si të moshuar arritën të merrnin një shumë prej 8765 dollarësh; 7015 euro dhe mbi 17 milionë lekë. Më herët u arrestuan dy autorët e tjerë Alban Duka, 31 vjeç dhe 43-vjeçari me iniciale G. K.
Grabitja e bankës në Durrës, arrestohet i treti në portin e Vlorës
