Rama përuron “Tirana Business Park”, projekt i nisur nga qeveria Berisha

Kryeministri Edi Rama përuroi sot përfundimin e punimeve dhe fillimin e funksionimit të “Tirana Business Park”. Projekti i përuruar sot nga Rama, daton fillimin e tij, rreth tre vjet më parë, kur qeveria drejtohej nga kryeministri Sali Berisha.
“Gurin e themelit për ndërtimin e Tirana Business Park, këtij investimi gjigand të grupit gjerman Lindner, e vendosën bashkërisht më 25 korrik Ambasadorja gjermane zonja Müller-Holtkemper, kryeministri zoti Sali Berisha dhe zoti Michael Ulmer, përfaqësues i Lindner Group, në prani të ministrit shqiptar të ekonomisë, zotit Edmond Haxhinasto, të nënkryetares së Bashkisë së Tiranës, zonjës Jorida Tabaku dhe të rreth 200 të ftuarve të tjerë nga bizneset shqiptare dhe gjermane si dhe përfaqësuesve të medieve”, është njoftimi zyrtar që ende gjendet sot në faqen zyrtare të Ambasadës Gjermane në Tiranë.