Erion Veliaj, shpalli fitoren si kandidat i mazhorancës për bashkinë e Tiranës. Në një ceremoni në selinë e PS-së, binte në sy mungesa e Edi Ramës, po aq sa binte në sy se “krahu i djathtë” i tij ishte Elisa Spiropali. Ndërsa deputetët e PS-së për Tiranën ishin përzier me turmat dhe qëndronin përballë Erion Veliajt.
Në fjalën e tij të shkurtër, ai i shprehu mirënjohjen aktivistëve e vullnetarëve të PS, LSI, FRD, PDIU, PDS, etj.
Nuk harroi edhe “një falënderim nga zemra”, për Edi Ramën, Ilir Metën e Saimir Tahirin.
Falënderim morën edhe deputetët e PS-së për Tiranën, si dhe ekipet e tyre.
Në fund të fjalës së tij, Erion Veliaj, paralajmëroi administratën aktuale të bashkisë së Tiranës, për të qendruar në krye të detyrës, ndërsa ju kujtoi atyre se çdo vendimmarrje do të kalojë në sitën e një auditi, menjëherë sapo të marrë detyrën e kryebashkiakut të ri të Tiranës.
Erion Veliaj shpall fitoren, mungon Edi Rama
