Numërimi ende vazhdon në bashkitë: Shkodër, Lezhë, Malësi e Madhe, Vau i Dejës, Kamëz, Dibër, Tiranë, Durrës, Krujë, Kavajë, Berat, Vlorë, Shijak, Selenicë, Vlorë.
Rezultati ka siguruar trendin në Shkodër, Kavajë, Tiranë, Lezhë, Vau i Dejës, Kamëz dhe Vlorë ku rezultatet mes kandidatëve kanë diferencë të madhe e cila nuk mund të përmbyset për shkak të distancës ose për shkak të numrit të vogël të kutive të panumëruara. Ndërkohë që ende eshtë në diskutim Durrësi. Në këtë bashki diferenca aktuale është rreth 4000 vota në favor të kandidatit të majtë Vangjush Dako por për dy orët e fundit kjo diferencë është në rënie e sipër ndërkohë që janë gati 2/3 e kutive të panumëruara. Edhe në Berat, në Dibër, në Krujë, ende ka mundësi ndryshimi të trendit.
Në 47 bashki ka përfunduar numërimi , prej të cilave e majta ka fituar në 34 bashki ndërsa e djathta në 13 bashki.
