“Presioni që po ushtrohet për tjetërsimin e vullnetit të votës së tyre, madje edhe të familjareve të tyre në këmbim të vendit të punës është një rast i paprecedent në një sistem demokratik”, deklaroi deputetja e Tropojës, Mimoza Hajdarmataj duke sjellë edhe shembuj të këtij presioni.
Dhjetëra raste janë denoncuar nga punonjës të hidrocentralit të Fierzës të cilëve u është kërkuar të paraqesin të dokumentuar me foto apo filmim votën e tyre nëse duan të jenë në punë edhe pas datës 22 qershor, tha ajo.
Personat që kanë kërcënuar punonjësit e hidrocentralit me bukën e fëmijëve do të përgjigjen para ligjit. Bëni kujdes ju njohim j’u dimë me emër e mbiemër do të mbani përgjegjësi. Askush nuk mund ta kërcënojë apo shantazhojë popullin e Tropojës. Ne i bëjmë thirrje qytetarëve të Tropojës, votoni masivisht më dt. 21 qershor, shprehni vullnetin tuaj të lirë dhe mos lejoni t’ju nëpërkëmbin, përfundon deklarat e deputetes Hajdarmataj.
