Në Pogradec po garon një binom aferash korruptive me fondet publike, Kryetari i Komunës Buçimas, Roshi Tollozhina dhe Drejtoreshën e Urbanistikës së kësaj Komune Diana Mile, ka deklaruar sot Albana Vokshi, deputete e PD-së.
Kompania RD2, me administratore në themelim Diana Mile, me ortak dhe administrator aktual shoferin e Kryetarit të Komunës Ervin (Alban) Abazi, e njohur nga publiku si Kompania e skandalit të kripës dhe mirëmbajtjes së rrugës nacionale të Qafë-Thanës, përgjatë vitit të fundit ka marrë nga Komuna Buçimas fonde publike në vlerën: 67.739.290 lekë.
Domethënë, kryetari i komunës i kalon fondet e komunës, fondet e qytetarëve, drejtoreshës së tij dhe shoferit të tij.
Gjithashtu, kompania RD2, sipas dokumentave të deklaruar pranë Degës së Thesarit, furnizon Komunën me karburant dhe vaj, ndërkohë që nuk zotëron asnjë pikë karburanti në gjithë territorin e Republikë së Shqipërisë.
Sipas PD, Roshi Tollozhina dhe Diana Mile, kandidatja e LSI për kryetare në Pogradec kanë edhe afera të tjetra korruptive me fondet publike. Kështu, Diana Mile drejton një “Shtëpi të Gjelbër”, që përfiton fonde publike direkt nga Komuna. Vetëm për vitin 2014 kësaj OJF-je i është dhënë nga Komuna vlera prej: 22.400.000 lekësh. Këto fonde kyetari ia ka dhënë drejtoreshës së tij, sot kandidate e LSI për bashkinë e re Pogradec, brenda një hapësire kohore prej 10 ditësh për “furnizime dhe materiale zyre”.
Nuk mbaron këtu, Kryetari i komunës Buçimas, i ka dhënë babait të Drejtoreshës së Tatimeve të Komunës drejtues i kompanisë ADA CO për vitet 2014-2015: 270.323.300 lekë.
