Princesha Charlotte, vajza një muajshe e Dukës dhe Dukeshës së Kembrixh do të pagëzohet më 5 korrik.
Lajmi është bërë i ditur nga Kensington Palace, i cili njofton se ceremonia e pagëzimit do të zhvillohet në kishën Shën Maria Magdalena në Sandringham Estate në Norfolk, vend ku jetojnë Princi William dhe bashkëshortja e tij Kate.
Pagëzimin do ta kryjë kryepeshkopi i Canterbury-t Justin Welby.
Princesha e vogël e Anglisë, pas lindjes mori emrin Charlotte Elisabeth Diana. Emri i vogëlushes u vendos nga Pallati Kensington dy ditë pas lindjes së saj. Princesha Duka dhe Dukesha e Kembrixhit vendosën për emrin e vajzës së tyre shumë pak pas lindjes, por kishin preferuar të informonin Mbretëreshën personalisht, para se ajo të bëhej publike.
Princesha Charlotte lindi në Spitalin e Shën Marisë në Londër më 2 maj.
Ajo është e katërta në linjë për fronin britanik pas gjyshit të saj, princi Çarls, babait Princi William dhe vëllait të saj Princi George, i cili është gati dy vjeç.
George, vëllai i madh i Charlotte, u pagëzua në Chapel Royal në Pallatin e Shën Xhejmsit, në tetor të vitit 2013, po nga Justin Welby.
Princesha një muajshe Charlotte do të pagëzohet në 5 korrik
