Kryetar i Komisionit për Edukimin e Median, Genc Pollo ka dënuar sot kërcënimin ndaj gazetares së news 24, Koromani, bërë prej ekstremistëve muslimanë në Tiranë.
“Bisedova në telefon me Aurora Koromanin, gazetaren e TV Neës24. Ajo është kërcënuar nga një fanatik fetar nga ata që lënë vendin e njerëzit e tyre për të luftuar në Siri e Irak me mënyra qartazi çnjerëzore e në emër të një kauze që në ketë shekull duket e perbindshme. Nga ata që fanatizmi në kufi të trushplarjes i bën të rrezikshëm jo vetëm për vendet ku duan të luftojnë por edhe për shtetet e shoqëritë e origjinës. Prandaj krahas ligjzbatimit (intelligence, përndjekje penale, dënime gjyqësore) denoncimi i ideologjisë por edhe i të vërtetave tronditëse që zbulojnë ata që marrin rrugë të gjatë me shpresën e xhenetit janë mënyra më e mirë për të kuruar këtë plagë. Dhe kjo e dyta çalon dukshëm në reagimin e shtetit tonë. Por tek kjo e dyta kanë kontribuar vyeshëm gazetarja Koromani dhe kolegë të saj. Prandaj mbrojtja e saj nga kërcënimi nuk është thjesht detyrë e policisë por edhe e të gjithë atyre që besojnë në të drejtat e liritë demokratike. Pa tulatje e heshtje”, apelon kryetari i Komsionit për Edukim dhe Media, Genc Pollo.
Pollo: Mbrojtja e medias nga kërcënimi, pa tulatje dhe heshtje
