PD ka denoncuar Vangjush Dako, i cili me bekimin e Kryeministrit Rama ka ngritur, një skemë gjigante manipulimi të zgjedhjeve duke manipuluar listat e zgjedhësve që të kujton vetëm listat e manipuluara të viteve 2000-2003.
Sipas PD, në bazë të kësaj skeme deri më 11 maj 2015 kur u publikua lista përfundimtare e zgjedhësve, kryetari i bashkisë Vangjush Dako ka importuar rreth 2800 zgjedhës të rinj nga jashtë bashkisë së re të Durrësit, kur gjatë gjithë vitit 2014 kanë ardhur rreth 2200 zgjedhës.
Regjistrimet e pa ligjshme janë shpërndarë nëpër qytetin e Durrësit duke përdorur dokumentacion fiktiv për vendbanimin. Ligji i gjendjes civile kërkon që këta zgjedhës të jenë realisht banorë në Durrës që të votojnë dhe jo thjesht të regjistrojnë kontrata fiktive qiraje apo sipërmarrjeje siç kanë bërë Dako dhe veglat e tij në nivel qendror e vendor, sqaron PD.
Zgjedhës te importuar janë regjistruar me kontrata fiktive qiraje te nënshkruara nga drejtori i Ndërmarrjes se Komunales se Plazhit qe është nen varësinë e kryebashkiakut Dako, me kontrata jonoteriale, pa çmim, dhe mbi te gjitha në objekte jo vetëm të amortizuara por edhe të zëna që nga viti 1991 nga persona që presin tí privatizojnë. Persona të tillë janë vërtetuar që jetojnë në bashki të tjera në banesa me kushte shumë të mira.
Kompani ndërtimi të afërta me kryebashkiakun Dako, nga të paktat që po ndërtojnë në Durrës, denoncon PD, kanë nënshkruar shitjen me kontrata fiktive sipërmarrjeje të një numri të madh apartamentesh në pallate në ndërtim e sipër në një periudhë vetëm dyjavore. Qëllimi i vetëm, sipas PD, ka qenë regjistrimi fiktiv i vendbanimit në Durrës.
FOTO/ Dako shton 2800 banorë në lista e zgjedhësve, “i strehon” në pallate në ndërtim
