Partia Demokratike ka denoncuar sërish sot, mandatimin e Ajola Xoxës përfaqësuese me të drejta të plota nga biznesmeni i përfolur akuzuar për pastrim parash, trafik prostitucioni në shumë vende të rajonit, Amiran Dzanashvili.
Në emër të PD-së, Gerti Bogdani, ka publikuar disa dokumente që sipas tij provojnë bashkëpunimin Xoxa – Dzanashvili, ndërsa i ka adresuar edhe dy pyetje Ajolës.
“Kjo marrëveshje ka shumë hije dyshimi, por dy pyetje janë thelbësore dhe detyrim publik për zonjën Xoxa, bashkëshortja e ministrit, sot kandidatit të Edi Ramës për kryeqytetin.
Sa para ka marrë zonja në fjale nga Dzanashvili për të drejtën e përfaqësimit?
A e ka denoncuar ajo te drejtoria pastrimit të parave, të dhënat e transaksionit të dyshimtë që lidh Dzanashvillin me Mark Frrokun, ku 30 % e aksioneve të kompanisë shiten 300 mijë euro, ndërsa 15 % e aksioneve të së njëjtës kompani shiten me 1.8 milionë euro?
Këtu kemi të bëjmë me detyrime ligjore, dhe zonja Veliaj, duhet të japë përgjigje”, përfundon reagimi i deputetit të PD-së, Gerti Bogdani.
Çfarë dhe sa përfitoi Ajola Xoxa, pse nuk denoncoi pastrimin e parave nga Dzanashvili…?!
