Numri 1 në listën e votimit, Enkelejd Alibeaj vazhdon takimet intensive më votuesit por ndërkohë zbardh një qytet si Fieri në të gjitha plagët e tij. “Papunësisë, varfërisë, mungesës së perspektivës në jetën e qytetarëve fierakë i mbivendosen problemet që burojnë nga mungesa e investimeve dhe shërbimeve të bashkisë në lagjet dhe rrugët ku ata banojnë. Në lagjet “Liri Gero” dhe “Sheq i madh” shihet qartë se për vite të tëra nuk është vënë dorë në rrugët e brendshme, shtrimin apo mirëmbajtjen e tyre”, thotë Alibeaj.
“Në bllokun e parafabrikateve bllokimi i pusetave dhe kanalizimeve shkakton përmbytje të rrugëve sa herë bien shira. Në “Sheq i madh” problemet më të mëdha janë mospastrimi i mbetjeve dhe kanalizimet e ujërave të zeza . Kjo gjendje ka vetëm një shpjegim : Fondet e Bashkisë, paratë e taksapaguesve fierakë nuk shkojnë atje ku janë nevojat dhe shqetësimet e tyre”, deklaron numri 1 në fletën e votimit në Fier, Enkelejd Alibeaj .
Alibeaj: Po zbuloj modelin socialist në Fier, varfëri, vjedhje investimesh, një qytet të zymtë
