Busti i Heroi tonë Kombëtar Skënderbeu ka qenë i vendosur gjatë ceremonisë së dekorimit të presidentit turk, tha Bujar Nishani në Gjirokastër.
Kreu i shtetit hodhi poshtë hipotezat mbi heqjen e bustit nga ambienti, ku u zhvillua ceremonia.
“Busti i heroit ka qenë gjithë kohën në të gjitha ambientet. Kam ndjerë një lloj keqardhje që individë të veçantë e spekulantë, trillojnë gjëra tërësisht të pavërteta në adrese të institucionit të Presidenti të Republikës. Në vendin ku pretendohet që nuk ka qenë busti është një ambient që nuk ka pasur asnjëherë dhe nuk ka bust të Skënderbeut, ndaj nuk kishte çfarë të hiqnim, përderisa s’kishte. Busti i Heroit tonë Kombëtar ka qenë në gjithë ambientet ku ishte i vendosur si në Presidencë edhe në ambientet e Pallatit të Brigadave, në çdo aktivitet të zhvilluar. Le t’i lëmë spekulantët në boten e tyre të vogël të gënjeshtrës, unë do eci para në vlerësimin e heronjve tanë, figurave tona, të cilët derdhën gjakun për të mbrojtur trojet e identitetin tonë kulturor, natyrisht do të eci përpara edhe në nderim të atyre që sot punojnë me përkushtim për evidentimin e këtyre vlerave”, u shpreh Presidenti Bujar Nishani.
Deklarata presidentit u be nga shtëpia muze e Çerçiz e Bajo Topullit. Nishani shpërndau dekorata për heroin kombëtar Çerçiz Topulli në 100 vjetorin e vdekjes, për 4 prej grupeve më të njohura të zonës dhe dekoroi 3 personalitetet të njohura në fushën e promovimit dhe zhvillimit të folklorit.
Presidenti Nishani dhe bashkëshortja e tij morën pjesë në natën e fundit të Festivalit Folklorik “Argjiro Fest” ku konkurruan grupe nga Kosova, Elbasani dhe Vlora.
Busti i Skënderbeut nuk u hoq, spekulantët e vegjël nuk deshën ta shihnin
