Mimoza Hajdarmataj është betuar sot në Kuvendin e Shqipërisë si deputete e Tropojës. Ajo është deputetja e parë grua nga kjo zonë që nga fillimi i Parlamentit shqiptar. Hajdarmataj hyri në Parlament pas vendosjes së kandidaturës për kryetar bashkie në Tropojë të Besnik Dushës. Deputetja e re ka studiuar me rezultate të shkëlqyera për elektronike. Gjatë viteve të fundit ka kryer detyra të rëndësishme në administratën e lartë shqiptare.
Ja mesazhi i saj në sot në Fb: “Sot eshte nje dite e vecante dhe me kaq emocion ne jeten time. Mirenjohje dhe vleresim te jashtezakonshem per Partine Demokratike, forumet e larta, Kryetarin Z. Lulzim Basha,Liderin Historik Z Sali Berisha dhe vecanerisht nje perulje me respekt per njerezit e mrekullueshem te mencur e fisnike te Tropojes qe une do ti perfaqesoj ne Kuvendin e Shqiperise. Nje pergjegjesi e larte qe me obligon te kem angazhim maksimal per te perfaqesuar vendlindjen time dhe te paraardhesve te mi dhe femijeve te mi. Ju siguroj qe do perpiqem me vetemohim te jem bija juaj, motra, zonja dhe gruaja qe ju meritoni te keni si perfaqesuese ne institucionin me te larte vendimmarres.”
Mimoza Hajdarmataj, e para grua deputete nga Tropoja
